الحلقه ال17
فى الحلقه السابقه لاحظ خالد وملك هجوم ام خالد على ايمي واللى كان بدون داعى من وجه نظرهم و ملك طلبت من ايمي انها تستحمل مامتها شويه وانها بتحبها وبتحب خالد وطمنتها ايمي انها فاهمه وان ده شعور طبيعي ونفس الكلام قالتله لخالد واللى فرح جدا بانه اختار الزوجه العاقله وعرفنا ان الايام دارت وخلصوا الترم الاول وايمي سافرت تقضي اجازه نص السنه عند والدتها وكانت فى الشهر السادس وزارتها ام طارق وعرفت حاله طارق وكلمته وهو انتهز الفرصه وقالها وحشتينى تعالو نشوف ايه الحوار اللى دار بينهم بعد الغداء على التليفون
ايمي : اللووو ازيك يا طارق
طارق : ازيك يا ايمي انا الحمد لله ..... ايمي انا بجد بعتذر جدا عناى كلمه قلتها فى المكالمه الاولى وبعتذر اذا كنت ضايقتك
ايمي : لا عادى بس انت عارف ان الوضع مختلف دلوقتى ولو مكنتش حاسه انك اخويا من التربيه كنت ماتصلتش بيك واتمنى انك تكون فاهم كده كويس
طارق : انا فاهم ده كويس بس الصدمه انى كلمتك خلتنى مش مركز انا بقول ايه المهم انتى اخبارك ايه ؟؟؟؟
ايمي: الحمد لله بخير واخبار الكليه الحمد لله من تفوق لتفوق والحمد لله
طارق : يابخت من كان الفراش خاله فتخيلي انتى بقي ان الدكتور جوزه
ايمي : هههههههههههههههه ياساتر على الحقد ايه الناس دى المهم طمنى اخبارك ايه طبعا التقديرات بترف عليك
طارق : لا والله بالعكس انا من ساعهما دخلت ميكانيكا وانا مش طايق الكليه
ايمي : ليه بس ؟؟؟
طارق: انا كان نفسي في اتصلات بس مجموعى مجبهاش المهم سيبك منى اخبار الكليه والطحن ايه ؟؟؟؟
ايمي : انت هتاخدنى فى دوكه وتنسينى ومتخلنيش اعلق على تقديرك لا طبعا انت مش طارق اللى انا اعرفه وبجد زعلتنى جدا امال انا هبقي معيد فيها ودكتور والكلام ده كله
طارق:انا كان هدفى انى ابقي معيد علشان اللى البنت اللى بحبها بس البنت دى سابتنى فقلت بقى الهدف راح فعكيت كده فى الكليه فجبت مواد بس انا بقولهم انى نجحت بمقبول وخلاص
ايمي : انا حاسه انى بكلم واحد معندوش عقل بجد يابنى هدفك لازم يكون مستقبلك مش اى حاجه تانيه والاهم انك تهتم بدراستك وتنجح وتخلص انت عارف كويس انهم فى البدايه بيميزوا اللى يشغلوهم بالتقدير فليه تحرم نفسك انك تشتغل فى مكان كويس علشان انت شايف ان حلم حياتك انتهى سيبك من الحجج الفارغه والشماعه اللى عايز تعلق عليها اخطائك بجد انا معنتش اعرف انك سلبي كده
طارق: ...........
ايمي: طارق انا بكلمك زى ما بكلم احمد ومحمد اخويا ومش هعتذر عن كلامى لانك لو مش اخويا يبقي احسنلى انى مش اتكلم ليه انا حاسه انى كلامى بيضرب فى الحيطه ويرجعلى انت سامعنى ؟؟؟؟
طارق : سامعك
ايمي : امال مش بترد على ليه لولا الملامه كنت جيت وملصتلك ودانك فاكر استاذه بهيجه كانت بتعملنا ايه ؟؟؟؟؟
طارق : اكيد فاكر ههههههههههه بس احمد هو اللى كان بيجرب قرصتها وشدتها لودانه وكانت دايما بتبقي حمره هههههههههههه
ايمي : والله كانت ايام جميله
طارق : فعلا كانت ايام حلوه
ايمي : يالا شد حيلك علشان لو سمعت ان تقديرك قل عن جيد السنه دى بجد عمرى ما هكلمك فى حياتى كلها وانا اقول انى هخطبك لبنتى لما تيجي بس انا جوز بنتى مش فاشل ابدا
طارق : ربنا يسهل يا ايمي
ايمي : هتصل في الاجازه الكبيره اعرف النتيجه والا خلاص الاتفاق ده ولا اكنه موجود
طارق : حاضر يا ابله بهيجه هههههههههههههههههه
ايمي : طيب اسيبك بقي لان خالد بيرن على الموبيل يالا سلام
طارق : سلام
قفلت ايمي مع خالد وقامت علشان ترد على التليفون على خالد بينما قفل طارق التليفون وعاش مع ذكرياته مع ايمي وهم صغيرين ودخل اوضته وطلع صورهم وهم صغيرين وقعد يفتكر الايام الجميله بتاعتهم وبجد كانت أد ايه بريئه واحس انه ضيع كتير من عمره على امل زائف واحس انه لازم يستعيد حياته مره تانيه اتصل طارق باحمد وقاله يالا ننزل فى الوقت ده خالد كان بيقول لايمي
خالد: ايمي حبيبتى وحشانى بقالى ساعه بتصل بيكى فى البيت مشغول وعلى الموبيل مش بتردى وكنت هتجنن عليكى
ايمي : معلش يا حبيبي كان معايا تلبيفون وقلت اول ما اخلص اكلمك
خالد: ايمي مش كفايه كده بقي اجى اخدك بجد انا مش قادر على بعدك
ايمي : وانت كمان واحشنى بس انا لسه مش بقالى الا اربع ايام ومنهم يومين كنت انت معايا فيهم ثم يا حبيبي مش انت قلتلى انى هقضي الاسبوعين كلهم مع ماما
خالد: مش قادر على بعدك وبجد مضايق جدا ومكتئب وانتى بعيده كده ولو ينفع اجي كنت جيت
ايمي: امممممممممممممم ليه بس يا حبيبي
خالد: طب ايمي خليهم اسبوع واحد ومفيش مشكله انك الاسبوع التانى تعزمى ماما واخواتك انهم يجوا يقعدوا الاسبوع التانى معانا بجد يا ايمي مش قادر استغنى عنك لحظه كمان
ايمى: خلاص يا حبيب يومين كمان وتعال خدنى اوك
خالد : بجد طب انتى مش زعلانه
ايمي: لا مش زعلانه مانت كمان وحشنى بس هكمل الاسبوع علشان ماما مش تزعل اوك
خالد: بحبك بحبك جدا جدا
ايمي: وانا كمان يا حبيبي
خالد: قليلي كنتى بترغي مع مين الساعه دى كلها
ايمي: ده طارق جارنا امه كانت قالتلى اتصل بيه واملصله ودانه شويه
خالد: طارق مين ؟؟؟؟؟؟
ايمي : مش فاكر الخمس ولاد اللى اتربيت معاهم واحنا صغيرين واتفرقنا بس فى الكليات كانوا طارق واحمد اخويا فى الرضاعه وهانى واشرف وماجد
خالد: ايوه افتكرت افتكرت وساعه يا ايمي بتتكلمى معاه ليه بقي ان شاء الله
ايمي : اعمل ايه دماغه ناشفه
خالد: واحنا مالنا دماغه ناشفه ولا مش ناشفه بعد كده بلاش تتطولى قوى كده وملكيش دعوه بيهم هو سلام وخلاص غير كده لا اوك
ايمي : اللي تشوفه يا حبيبي
خالد: طب يالا علشان انتى ضايقتينى
ايمي : ليه بس يا خالد
خالد: يعنى مش عارفه بترغي مع واحد ساعه ومش راضيه ترضي على وانا الاولى منه انك تردى ده غير اساسا كان مفروض تستأذنى منى قبل ما تكلميه
حست ايمي بغلطها وانها فعلا كانت مفروض تكلمه الاول قبل ما تكلمه وانها غلطت انها مش عبرت خالد الا بعد ما خلصت مع طارق
ايمي: عندك حق يا خالد وبجد انا اسفه ومش هتتكرر .... لسه زعلان
خالد: اكيد طبعا زعلان ...
ايمي : ليه بس مانا قلتلك مش هعمل كده تانى
خالد: وده هيحل المشكله يعنى
ايمي: طب خلاص وحياتى عندك مش تزعل
خالد: طب اقفلي دلوقتى سلام
ايمي: لا مش تقفل وانت زعلان
خالد: ايمي مش فاضي عندى شغل سلام
ايمي: سلام
قفلت ايمي الخط وحاست انها غلطانه وانها مفروض تصالحه فارسلت له رساله
"حبيبي متزعلش وبجد انا حسيت بغلطى ومش هكررها اول ما تفضي كلمنى وكمان علشان بنتك مش تنام زعلانه "
وبعد حوالى ساعه ونص اتصل خالد
خالد: لولا ميار كنت زعلت جدا
ايمي:طب وام ميار ؟؟؟؟
خالد: وام ميار كمان المهم رحتى للدكتوره
ايمي: لسه بعد ساعتين هننزل ان شاء الله وهاكلمك اول ما نخلص ان شاء الله
خالد: طب خلى الدكتوره تتاكد من النوع لان الدكتوره التانيه مش متاكده مانتى فاكره
ايمي : اوك ....بس انا حاسه انها بنت مع انى كان نفسي فى ولد شبهك
خالد: بتهرجي لا طبعا بنت ان شاء الله وتكون شبهك اكيد
ايمي : هنشوف وربنا يستر ومتطلعش شبه محمد اخويا ههههههههههههههههه
خالد: هههههههههههههههههههه لالالا ان شاء الله لا
ايمي : طب اسيبك انا علشانا بابا بينادى عايز شاي من ايدي
خالد: طيب يا ستى وكمان بيشغلوكى هناك قهوجيه
ايمي : انا مبعملش هنا الا الشاي بس غير كده نايمه طول اليوم هههههههههههههههههههههوماما بتزغط في هههههههههههه
خالد: ربنا يستر انا مسلمك ليهم 64 كيلو اياكى تزيدى عن كده هتروحى فين تانى
ايمي : هههههههههههههههه متقلقش هرجعلك زايده 10 بس
خالد: اوعى اللى بيزيد مش بينقص ههههههههههههههههههههههههههه
ايمي : ربنا يسهل يالا سلام يا حبيبي
خالد: سلام وهتوحشينى
ايمي : وانت كمان سلام
خالد : سلام
راحت ايمي للدكتوره واتاكدت انها بنت وكلمت خالد واللى كان فرحان جدا مع ان ايمي كان نفسها فى وولد بس اللى يجيبه ربنا كويس وحمدت ربنا ان خالد سامحها وقررت انها مش هتعمل بعد كده اى حاجه الا لما تستأذنه علشان مش تشيل وزر ولكن وبعد ان قالت لامها ان خالد جاى ياخدها كمان يومين زعلت جدا امها وقالت
ام ايمي : ليه هو مستكتر علينا اسبوع معاكى
ايمي : لا ياماما ده نفسه هو يجي يقعد معانا بس مش قادر علشان الشغل فقال نروح كلنا فى مصر ونقعد عندنا
ام ايمي : وانتى فاكره ابوكى هيرضي لا طبعا
ايمي: ملكيش دعوه ببابا انا هكلمه وهيوافق بس المهم انتى توافقي
ام ايمي : لو وافق ابوكى انا موافقه
اقنعت ايمي والدها وفعلا بعد يومين جه خالد واخدهم كلهم ماعدا والد ايمي واللى كان عنده شغل وقال انه هيحصلهم على اخر الاسبوع بس ام ايمي طلبت انها هتقعد عند والدتها علشان مش تزعل وخالد بعد الحاح وافق على كلامها وصلهم عند جده ايمي وقعدوا شويه وروحوا البيت وايمي بتفتح البيت لقت مفاجأه مستنياها ياترى ايه اللى شافته فى الشقه وهل هتضايق ولالا ؟؟؟؟؟
هنعرف ان شاء الله فى الحلقه الجايه
